Əmlakın satış planı
Əmlak kimi bahalı “malı” satmaq asandırmı? Real alıcı tapmaq çətindir – təkliflərin çoxluğundan göz qamaşır. Alıcı özü də çox vaxt nə istədiyini bilmir. Ona aydınlaşdırmaq, başa salmaq lazımdır ki, niyə məhz sizin əmlakı almalıdır.Rieltorlara ən çox verilən suallardan biri: əmlakımın satışı üçün nə edəcəksiniz? Saytlarda yerləşdirəcəksiz? Onu özüm də edərəm. Və burda müştəri haqlıdır. İndiki dövrdə informasiya axınlarını yaratmaq və idarə etmək çox asandır.
Satış şansını çoxaltmaq üçün sizin əmlak obyektini digərlərindən fərqləndirmək vacibdir. Doğrudan da, hazırda bir alıcıya 10 təklif düşür! Onun marağını məhz sizin mənzilə necə yönəldək?
Çətindir, amma mümkündür. Peşəkar rieltorun əlində daşınmaz əmlakın satışı üzrə özünü doğrultmuş bir sıra hərəkətlər var. Onları bu şəkildə düzmək olar:
1. Düzgün satış qiymətinin müəyyən olunması
2. Əmlakın üstün cəhətlərinin müəyyən edilməsi
3. Auditoriyanın müəyyən edilməsi
4. Satan mətnin yazılması
5. Əmlakın satışqabağı hazırlanması
6. Fotosessiyanın aparılması
7. Videorolikin hazırlanması
8. Obyektdə bannerin yerləşdirilməsi
9. Saytlarda elanların verilməsi
10. Sosial şəbəkələrdə tarqetinq
11. Sənədlərin toplanması və hazırlanması
12. Baxışlar üçün hazırlıq işlərinin aparılması
⠀
Bütün bu tədbirlər əmlakınızın tez bir zamanda satışına yönəlmişdir. Diqqət edin ki, təkcə saytlarda elan vermək heç də satış üçün əsas və kifayət edən addım deyil.
Məqalənin faydalı olduğunu düşünürsüzsə, dostlarınızın da görməsi üçün paylaşın.
