Özüm satıram!
Mənzili özünüzün satmağınızın üstünlükləri: Danışıqlarda üçüncü şəxslər olmayacaq, yəni konfidensiallıq qorunacaq, daşınmaz əmlak agentliyinə komissiya verilməməsi və pula qənaət.Danışıqlarda üçüncü şəxslər olmayacaq, yəni konfidensiallıq qorunacaq. Şübhəli üstünlükdür. Heç kim alıcının etibarlı və dürüst olacağına, eləcə də evlə bağlı gələcəkdə problem çıxmayacağına zəmanət verə bilməz. Ən azından rieltor baş verənlərin qarantı və şahidi olacaq. Həmçinin, peşəkar rieltorlar yoxlanılmış sxemlərə malik olmaqla həmişə eyni notarius, bank işçiləri ilə işləyir və vacib informasiyanı daha tez əldə edə bilirlər. Vacib faktorlardan biri də odur ki, özünə hörmət edən rieltor öz reputasiyasına və işlədiyi agentliyin nüfuzuna ziyan dəyməsinə yol verməz.
EVLER.AZ-əmlakınızı rahat və qısa zamanda satın!
Daşınmaz əmlak agentliyinə komissiya verilməməsi və pula qənaət. Bu da şübhəli üstünlükdür. Azərbaycanda komissiya adətən satan tərəf üçün 2%, alan tərəf üçün 1% təşkil edir. Digər ölkələrə baxanda bu elə də böyük məbləğ deyil. Əlbəttə ki, satıcı tərəfi arxayın edib, əslində isə bir dəfə daşınmaz əmlak saytına elan yerləşdirməklə kifayətlənən və ya yalnız ev barədə qeydiyyat aparıb günlərlə kabinetində müştəri gözləyənlər insanlarda bu peşə sahiblərinə inamsızlıq yaradır. “Qurunun oduna yaş da yanır”. Amma yaddan çıxarmaq lazım deyil ki, peşəkar rieltorlar üçün ev alqı-satqısı prosesi iş həyatlarının bir hissəsidir və əsas qazanc mənbəyidir. Onlar ilk növbədə əmlaka özləri şəxsən baxır, qiymətləndirmədə ev sahibinə köməklik göstərir, əmlakın tez satılması üçün tövsiyələr verir və bütün mümkün kanallardan istifadə edirlər. Bu baxımdan, onların əməyi sərf etdikləri vaxta və zəhmətə uyğun ödənilməlidir.
Bir-iki sayta elan verdin bəsdi, satıcılar sıraya düzüləcək. Təcrübədə belə deyil. Hər gün yüzlərlə belə elanlar verilir və təəssüf ki, bu üsul mənzili tez satmaq problemini həll etmir. Gündəlik qayğılarımızı da nəzərə alsaq, bu işi nəzarətdə saxlamaq bizə çox çətin olur. Gözümüz telefonda qalır. Yenə problemlə üz-üzə qalırıq – necə edək ki, həm mənzili sataq, həm də rahat həyatımıza davam edək. Bunun üçün, evinizi satmağa qərar verdikdən sonra kiçik bir araşdırma aparın və bu işi - nəticədə maraqlı olan peşəkarlara – rieltorlara tapşırın.
Məqalənin faydalı olduğunu düşünürsüzsə, dostlarınızın da görməsi üçün paylaşın.
